Dia 8 di november, 2023, Nintendo a anuncia cu nan ta desaroyando un live-action film basa riba un di nan wega mas popular cual ta e serie di The Legend of Zelda. E film lo wordo produci door di Shigeru Miyamoto, kende ta e creador di Zelda anto tambe Avi Arad, ken a yega di produci films nan mane Spider-man y Venom. Wes Ball, kende tabata e director di The Maze Runner trilogy lo directa e pelicula aki.

Nintendo hunto cu Sony Pictures Entertainment lo co-financia e film, cual Nintendo mes lo ta financiando mas cu 50%. Sony lo zorg pa e costo di distribui e pelicula.

Te awo no tin mas otro detayes di e pelicula, mane kico e plot lo ta, ken lo hunga aden of e fecha cu e pelicula sali. Miyamoto a bisa si cu e lo ta hopi druk bezig den e production y cu e ta cometi pa traha un pelicula cu lo surpasa e expectativa di e fanatico di e serie. Fanaticonan cu mas sigur tin añas ta warda pa un pelicula di Zelda yega riba e pantaya grandi. Mester bisa si cu ainda Nintendo ta basta nobo pa trece nan weganan riba un otro media. Esun ultimo di Mario a bay hopi bon, pero esun cu nan a traha den añanan 90, e pone Nintedo rindi riba e “movie business” dibiaha.

Pero ya, a yega tempo pa purba atrobe, y tempo so por bisa con e pelicula di Zelda lo ta si e ta bon of no.