Nos ta den Februari 2026, y Rockstar Games ta hunga nan wega faborito: silencio total. Pero, den e mundo di gaming, silencio ta nifica cu nan ta trahando duro. E rumornan mas fuerte for di insiders ta indica cu nos ta bay bek Vice City e aña aki mes.
Si bo ta sinti e “hype”, bo no ta bo so. Henter Aruba ta wardando e dia cu Jason y Lucia lo aterisa riba nos consoles.
Dicon November 2026?
Analistanan financiero di Take-Two (doño di Rockstar) a bisa cu nan ta spera ganashinan record pa e “Fiscal Year 2027”. Kico esaki ta nifica den Papiamento simpel? GTA VI mester sali prome cu Pasco 2026.
November semper tabata e luna faborito pa lanzamentonan grandi di Rockstar. Red Dead Redemption 2 y GTA V (riba console nobo) a probecha di e temporada di vacacion, y GTA VI no lo ta diferente.
Trailer 2: Ki dia e ta yega?
E prome trailer a kibra internet. Awor, tur wowo ta riba e di dos trailer. E speculacion ta cu nos lo haya un “deep dive” den e gameplay prome cu zomer. Nos kier mira con e dinamica entre e dos protagonistas ta traha y con grandi e estado di Leonida ta realmente.
Vice City ta djis e cuminsamento
Leaks recien a sugeri cu e mapa di GTA VI lo ta e mas grandi den historia di Rockstar. No solamente Vice City, pero e Everglades (grass rivers), Keys, y posibelmente parti di Georgia. E mundo lo ta yen di bida animal, eventonan random, y, claro, e satira clasico Americano.
Prepara bo console
Un cos ta sigur: GTA VI lo ta un wega pisa. Sigura cu bo tin suficiente espacio riba bo SSD di PS5 of Xbox Series X.
Si bo mester di PlayStation Plus of Xbox Game Pass pa hunga online ora e dia yega, corda cu LevelUP tin bo cubri. Nos ta cla pa e lansamento mas grandi di historia.
then 'Add to Home Screen'
