Dia 30 di october, 2023, e noticia a sali cu Bungie Studio, e desaroyador di e wega popular Destiny 2, a kita varios di nan empleado for di trabou. E noticia a sali net despues cu nan a anuncia cu lo tin un retraso pa e pakete di expansion, The Final Shape, cu originalmenete mester sali den february di 2024, pero awo a wordo hala atras pa juni 2024.

Bungie su CEO, Pete Parson a confirma e kitamento di trabou riba su X account (twitter), bisando cu esaki ta un “dia tristo” pa e studio. E no a duna ningun rason preceis pa e motibo di e reduccion di epleado, pero si a bisa cu e tabata necesario pa asina e studio por sigui draai y traha riba nan projectonan ambisioso pa e futuro. Un 8% di ful e team na Bungie a wordo kita for di trabou calculando rond di 100 persona cu a wordo manda cas.

Today is a sad day at Bungie as we say goodbye to colleagues who have all made a significant impact on our studio. What these exceptional individuals have contributed to our games and Bungie culture has been enormous and will continue to be a part of Bungie long into the future.

— pete parsons (@pparsons) October 30, 2023

Maske Bungie no a duna conocimento riba detayes dicon nan a tuma e decision aki, por specula si cu esaki por ta relata cu e compra recein di Sony Interactive Entertainment. No ta hopi tempo pasa cu Sony a cumpra Bungie Studio, y nan ta conoci pa kita varios hende for di trabou despues cu nan cumpra un studio, pa asina nan por tin mas control den e operacion den e studio, haciendo esaki mas eficiente.

Tambe tin e posibilidad cu e kitamento di trabou tin relato na e delay di The Final Shape. E desaroyamento di un ‘live-service’ game mane Destiny 2 ta hopi complica y ta un proceso hopi costoso, dus porta Bungie mester reduci nan trahadornan pa asina salba placa.

Un otro factor cu por a hunga un rol den esaki ta cu e ganashi cu nan a projecta pa gana a resulta pa ta un perdida di 45%. Esaki ta un perdida basta halto, pero no ta hopi sorpredente ya cu hopi di e hungadornan di Destiny 2 a keda hopi desapunta cu e espansion Lightfall, y hopi a stop di hunga despues di Season of Defiance, Destiny 2 su prome contenido di temporada pa Lighfall.

Tambe por bisa cu e causa por ta e anuncio di e reboot di un di Bungie su prome weganan cu nan a yega di desaroya cual ta Marathon. Desaroyamento di un wega nobo ta hopi costoso, y porta Bungie lo kier cuminsa focus riba Marathon, cu lo por causa kitamento di trabou y tambe un retraso pa The Final Shape.

Nos mes na EGC ta pensa cu e por ta un combinatcion di tur e puntonan menciona ariba, pero tur manera, esaki lo haci un impacto significante pa Bungie y Destiny 2. Ainda no por bisa si lo ta den bon of den malo, of con hopi e lo affecta e desaroyamento di The Final Shape cual pa awo lo ta Destiny 2 su ultimo pakete di expancion.

Bisando tur esaki, Bungie tin un historia largo di supera retonan. Esaki no ta prome biaha cu nan mester a reduci nan personal y semper nan a bin bek mas fuerte. Dus e chens tey cu Bungie lo pasa over di esaki y cu Destiny 2 lo keda un wega exitoso pa e studio pa mas aña.