Sony a cambia e wega: Adrenalin puro na Februari

Si bo tabata pensa cu 2026 lo start poko poko, e State of Play di Februari 2026 a caba di demostra lo contrario. Maske Wolverine a keda keto (pa awo), Sony a dicidi di enfoca riba dos cos: accion rapido y multiplayer intenso. E stream di 60 minuut a laga nos cu un lista di wega cu ta bay pone nos “backlog” explota, pero tin dos titulo specifico cu tin tur gamer na Aruba papiando: e regreso di Bungie cu Marathon y e sorpresa tactico di John Wick.

Marathon: Bo proximo obsesion ta cuminsa aki 2 siman

Bungie, e mente tras di Halo y Destiny, finalmente a kita e velo for di Marathon. Y e noticia mas grandi? Nos no mester warda añas. Nan a anuncia cu e wega lo ta “playable” (probablemente un Open Beta) aki dos siman.

Kico ta haci Marathon special?

Diferente na e shooters militar cu nos ta custuma cune, Marathon ta un “extraction shooter” cu un estilo visual unico. E mundo ta yen di color neon, glitch effects y un sounstrak cu ta pone bo curason bati lihe. Bo ta hunga como un “Runner”, un cybernetic mercenary cu mester baha riba un planeta hostil, busca artefactonan, y scapa prome cu bo aire (of bo bida) caba.

E tension ta halto: si bo muri, bo ta perde tur bo loot. Bungie a priminti un sistema di “persistent world” unda e accionnan di e hungadornan ta afecta e mapa global. Prepara bo squad, pasobra esaki ta bay ta e wega cu tur hende lo ta streaming e luna aki.

John Wick: Convierti bo mes den Baba Yaga

E sorpresa mas grandi di e anochi tabata sin duda e revelacion di e wega nobo di John Wick. Lionsgate a join forsa cu un studio AAA pa trece e “Gun-Fu” legitimo pa nos consolas. Esaki no ta djis un otro shooter generico; e ta un simulador di accion tactico.

“Gun-Fu” den bo man

Den e trailer, nos a mira John Wick moviendo cu un fluidez increibel. E combat system ta basa riba “flow” y precision. Bo no por djis core y tira; bo mester plania bo movidanan, uza bo enemigonan como escudo humano, y reload bo arma den estilo cinematografico. Cada bala conta.

E wega ta priminti di hiba nos na locacionnan iconico manera e Continental Hotel y e cayanan di Paris. Pa cualkier fan di e peliculanan, esaki ta mustra manera e adaptacion cu nos tabata soña cune. E ta “fast-paced”, brutal, y hopi styllish.

Mas noticia cayente for di e State of Play

Maske Marathon y John Wick tabata e streanan, Sony a mustra hopi mas:

• Ghost of Yōtei: Legends: Sucker Punch a confirma cu nan ta expande e universo di Ghost of Tsushima. E modo “Legends” ta bolbe, mas grandi y cu mas mitologia hapones pa bo y bo amigonan destrui oni y demoñonan hunto.

• Dos proyecto di God of War: Santa Monica Studio ta trahando overtime. Nan a tease dos proyecto: un aventura nobo (posiblemente un spin-off di Atreus?) y un remake grafico completo di e prome trilogia pa PS5. Kratos no ta bay ningun caminda.

• Kena: Scars of Kosmora: E secuela di Kena: Bridge of Spirits a wordo revela. E biaha aki, e mundo ta mustra mas scur, mas maduro, y visualmente e ta, manera semper, un pelicula di animacion bibo.

• Silent Hill: Townfall: Un bista cortico pero spantoso. E wega aki ta mustra di ta bay hopi mas profundo den e terror psicologico cu nos ta spera di e franchise.

• Death Stranding 2 riba PC: Kojima a confirma cu PC gamers por cuminsa hunga Death Stranding 2: On the Beach caba otro luna (Maart). Un noticia excelente pa esnan cu rig potente.

Conclusion: 2026 ta aña di accion

Cu Marathon ta yega asina pronto y John Wick ta priminti di revolucion e genero di accion, nos billeteranan ta bay sinti e golpi. Pero e diversion ta bal e pena.

Corda cu pa cualkier PlayStation Network Card, Steam Wallet, of Xbox Gift Card, bo por haya nan mesora y confidencial aki na E Game Corner. No keda afo ora e servers di Marathon habri!