Despues di hopi aña di rumor, e Nintendo Switch 2 finalmente t’ey. Y e pregunta grandi riba mente di tur gamer na Aruba ta: “E ta bale la pena di upgrade?”
Nos a haya chens di test e console hunto cu e wega di lansamento, Mario Tennis Fever, y e veredicto ta cla: Nintendo a bolbe domina.
Hardware: Mas Power, Mas Bunita
E prome cos cu bo ta nota ta e pantaya. E OLED nobo ta mas briyante y e bezel (rand) ta casi inexistente. Pero e magia berdadera ta paden.
Danki na e chip nobo di NVIDIA, e weganan awor ta core na 4K ora bo conecta e console na TV (uzando DLSS). Esaki ta nifica cu Mario y Peach ta mustra mescos cu un pelicula di animacion bibo. E “load times” ta casi cero, algo cu nos a spera pa hopi tempo.
Mario Tennis Fever: E “Killer App”
Nintendo sa con pa lansa un console. Mario Tennis Fever no ta djis un wega di tennis; e ta un showcase grafico.
-
Gameplay: E ta senti “crisp”. E respuesta di e controlnan ta instantaneo.
-
RPG Mode: E modo di historia ta bek! Bo por crea bo propio character y subi nivel den un academia di tennis, similar na e clasico di Game Boy Advance.
-
Online: E netcode ta hopi mas stabiel. Nos a hunga par di match contra hende na Merca y Japon sin ningun lag.
Dicon cumpra e Switch 2 awor?
Si bo ta un fanatico di Nintendo, e upgrade ta obligatorio. E compatibilidad cu bo weganan bieu (Backwards Compatibility) ta traha perfecto, y nan ta core miho cu nunca.
Ademas, cu weganan manera Metroid Prime 4 y e proximo Pokémon na caminda, e aña aki ta bay ta grandi pa e Switch 2.
Conclusion
Nintendo a haci e imposibel: nan a mehora un console cu ya tabata perfecto. Nintendo Switch 2 ta e futuro di gaming portatil.
Bo kier cuminsá hunga awe mes? Corda cu bo por haya bo Nintendo eShop Cards aki na LevelUP. Nos tin tur e denomiacionan pa bo por download Mario Tennis Fever mesora.
then 'Add to Home Screen'
